اللبناني شخص كتير مميز وذكي وفهمان ولامع بالمجتمعات الأجنبية والعربية. يعني حاطت حالو أبل كل البشرية ومنستاهل.
بس في شي مميز في اللبناني ومش ممكن ما ينحكى عنو ،هو النأ . يا ويلي شو منء كلبناني.
- ويني الدوله
- الله يساعدنا نحن عايشين ببلد تعتير وحرب وانفجارات
- يا ويلي شو دائماً في عجئة عل الطرقات وهلنساء كارثة عل المجتمع. مين عطاهن هل الدفتر
- بضل ما عنا كهربا وعيشن عل موتور والانترنت بطئ والخليوي بضل يؤتوش ارسالو
- معئول هل جور عل طرقات بقصر أمرتسور السيارة وهل البنزين كلو مجوي بخرب الرزرفوار
- صايرين ما منأمن لا حداً من العيله والأصحاب! كل الوقت عايشين على اعصابنا
- كل شي غالي بالمحلات ما بق بتعمل شي ال ٥٠٠٠٠ لل
- شو هل باسبورت العنا يه ويلي ما إلو عازي بلي أحسن
- معقول هل القسط بالمدارس شو صاير غالي وهل مدارس كيف صاير في مصايب
- تو بي كنتنود
نحن عايشين بلبنان كل جمله من هولي منقولا ومنسمعا شي ١٥٥ مرة بالنهار. كلون صح بس إذا كفينا نأ ما راح يتزبط شي غير إنو نصير ناخد حبوب أعصاب (هيد لا يلي بعد ما بياخد).
مننسى كل يوم بيقطع علينا نشكر الله على كل النعم يلي عطانا يهون وما منعرف قيمتون. هيدا مش شعر بس هيدا يلي بخلينا نطور ونأمن إنو حياتنا بلبنان تصير أحسن. لازم نعرف قيمة :
- الحواس الخمس يلي عنا ياهون يلي بساعدونا تنحقق طموحاتنا. ياما أشخاص ناقصها وحدة من الحواس عندن وعندن مواهب وإنجازات مميزه لأن عرفو قيمة الحواس
- العقل والقلب يلي بميزنا عن كل الكائنات الحوالينا خصيصاً إذا إستعملوا سوياً مش كل واحد لحالو
- الصحة تبعنا وتبع عيلتنا واصحابنا
- البيت يلي أعدين في ويلي اوينا
- الشمس يلي بتدفينا والشتي يلي بتروينا
- الأحذية والثياب تيحمونا والأكل والشرب تيغزونا
- لأهل والجيران كتير مهمين بلبنان وفعلاً إذا عزناهون هني حدنا
- 7 ٪ من الشعب اللبناني ما بيعرف يقرأ والباقي مأمنلن تعليم خاص ورسمي
- منيح الدوله مش كتير موجوده كل الوقت تنرتاح شوي
- تو بي كنتنود
تذكروا هل كم جمله من وقت الوقت
LebanesePandaRevolution#
